題組 1：請根據下背个文章內容選出最適合个答案 漸漸仔，一般个麵包店緊開緊多、緊開緊大坎，阿哥个細工廠仔實在拚毋贏佢兜，轉毋過， (37) 就改行去整拖車。毋過，麵包間个傢伙仔同阿哥共下打拚幾下年，實在毋盼得 (38) 舊貨賣分人， 就放在麵包間。逐年八月半，鄰舍个叔婆會來問糕皮餅、街項豬砧个頭家娘乜講想食肉餅，阿哥該 人係嘴硬屎朏冇，分大家問到敗勢，就喊恁多姊妹𢯭手。人客會負責湊人，湊有五十隻餅仔就開爐， 無想著，做肉餅嗄變成八月半自然个規定，時間偎近咧大家就會自動排假，共下來做餅仔，餅仔做 好還做得擐兩隻轉屋做 (39) ，實在乜已生趣。 每擺阿哥總會唸唸唸唸： 「做餅仔盡悿，做暢个！過忒年，無愛應人哩！」到尾又係幾下百隻餅 仔个額數，無閒幾下日，𤸁到人 (40) ，斯講，做得同姊妹仔共下來做餅仔，係一種錢銀就買毋 著个幸福。