【閱讀測驗】 Tī 1916 nî tsiann gue̍h bué, Tik-kok ê pue-tsûn kuí-nā tsiah khì kàu Ing-kok luē-tē, tìm nn̄g-pah guā lia̍p ê tsà-tuânn, tsū-án-ne phah-sí gōo-tsa̍p sì lâng, mā ū la̍k-tsa̍p tshit ê lâng tio̍h-siong, khah-tsē lóng sī tsa-bóo-lâng kap gín-á. Iu-guân hit-ji̍t pue-tsûn iā kàu Huat-kok ê kiann-siânn, Pa-lí. In teh pue tāi-khài ū tsi̍t-bān sì-tshing tshioh hiah kuân, mā tī hia kâng khian tsà-tuânn, ta̍k-lia̍p tsha-put-to sì-pah gōo-tsa̍p kin hiah tāng, iā phah-sí tsiânn tsa̍p lâng. Kāng tsit-nî ê tsiann gue̍h 15, Tik-kok ê hái-tsha̍t ū tī A-hui-lī-ka sai-pak-pîng lia̍h-tio̍h tsi̍t tsiah Ing-kok siong-tsûn, hō-tsò "Appam", tsit-tsiah tsûn āu--lâi ū sái kàu Bí-kok, guân-pún ê tsuí-siú kap lâng-kheh ū sann-pah lâng, kàu Bí-kok kan-ta tshun tsi̍t-pah sann-tsa̍p peh ê nā-tiānn.