題組1：請根據下背个文章內容選出最適合个答案 在平常時个溝通裡肚，細倈仔摎細妹仔个表達方式長透爭差當大。細妹仔好用較多个話來表達情感，毋過細倈仔輒輒講一兩句就煞咧，有成時連講都無講。恁樣个情況分當多細妹仔受著當大个打擊，（41）佢兜心肝肚想个毋係理性个分析，係情感頂高个理解。 生趣个係，𠊎老公有一種當特別个溝通方式—佢毋會真經摎𠊎對話，顛倒係（42）。比論講，𠊎在該講哪齣電視毋好看、無安排好勢，佢會應講：「確實無安排好勢。」等𠊎講細人仔毋知感恩、搞毋清楚狀況个時節，佢就會講：「正經係搞毋清楚狀況。」這種方式分人試著像人有得到回應，毋過認真來講，這根本毋係正經个意見交換。 結婚二十年過後，有一日我突然間正清楚這種對話个本質，𠊎兜个對話差毋多都係無效个。𠊎嚴厲个警告佢做毋得再過（43）咧，佢乜答應下二擺會改變。毋過，無幾久佢又發明新个回答方式。𠊎講當愁書賣毋出去會無面子，佢就講：「無麼个面子毋面子个問題。」𠊎在該想這東西無買會打爽無个時節，佢就會講：「無麼个打爽毋打爽个問題。」恁樣个對話方式真實會分人（44），因為佢像人係在該表示意見，毋過還係無正經回應𠊎个情緒。 就像心理學家馬斯洛講个：「夫妻溝通盡(最)重要个係正確表達自家个意見。」真實有效个溝通，毋係單方面个言語傳送，係建立在共鳴摎回應頂高。